Fræna er ein kystkommune med om lag 9000 innbyggjarar. Kommunen dekkjer nesten heile Romsdalshalvøya ut mot Hustadvika og vi er rik på naturessursar. Hustadvika i godvèr, er ei oppleving av dei sjeldne, men er også fasinerande og spanande når storbåra hemningslaus velter seg dundrande inn mot land.
Hustadvika er ei av dei frykta havstrekningane i Noreg. Det ligg mange forliste vrak på havbotn her. Hustadvika er lunefull, men har eit rikt og variert fiske- og fugleliv. Hustadvika har også ein mangfoldig undervannsvegetasjon og eit vakkert undervannslandskap. Det er ikkje utan grunn at Hustadvika er vorte ein av dei mest populære stadane i Nord Europa å drive sportsdykking. Som kystkommune er mange store fiskefarty heimehøyrande i Fræna, og fiskeforedlingsbedriftene foredler og sel fisk både til inn- og utland.
